Облус аймагында милиция менен жергиликтүү бийлик өкүлдөрү жүргүзүп жаткан “Кара куурай” иш-чарасынын натыйжасында талаада өскөн жапайы кара куурайларды урук алганча жок кылуу иши жүрүүдө. Бул тууралуу “Азаттыкка” облустук ИИБнын баңгизаттарды мыйзамсыз жүгүртүүгө каршы курөшүү бөлүмүнүн башчысы Акылбек Жамбилов билдирди.
Учурда облус аймагында 600 гектардан ашык аянтта жапайы кара куурай өсөт. Алардын басымдуу бөлүгү Токтогул районунда орун алган. Ушул тапта 20% жакын аянт өрттөлдү. (RsK)
