Малайзиянын үч ири медиа холдингинде иштеген алты журналист Кыргызстанга келди. Алар алты күн бою өлкөнү кыдырып, кесиптештери менен тажрыйба алмашат жана Кыргызстандын маданияты менен таанышат. 25-июлда Ысык-Көлдө өткөн "Мейкин Азия" ыр сынагына күбө болушту.
Буга чейин Кыргызстандын Малайзиядагы элчилигинин демилгеси менен 20 чакты кыргызстандык журналист менен чыгармачыл адамдар Малайзияга барып келишкен. Малайзиялык журналисттер 30-июлда мекенине кайтышат. (AzK)
