Укук коргоочу Өндүрүш Токтонасыровдун нааразылык акциясы “Карыпбековго Ыңгайсыз суроолор” деген аталышта болмокчу. Бул тууралуу укук коргоочу “Азаттыкка” билдирди. Анын айтымында, акцияда КТРК аркылуу акыркы убактарда “бир тараптуу маалымат кетип жатканына, жарандык активисттер уюштурган иш-чаралардан эч кандай кабар жоктугуна” нааразылык билдирилмекчи.
Укук коргоочу КТРКнын жетекчилигине “Эгер КТРК коомдук телеканал болсо, коомчулук сүйүп көргөн “Азаттыктын” теледолбоорлорун эфирден неге алдыңыз?”, “Коомдук деген макамга жооп бере албаган телеканалдын аталышын өзгөртүү керектир?” деген суроолорду жазып алып чыкмакчы.(ZKo)
