Иш-чара 31-июлдан 9-августка чейин Бишкек, Чолпон-Ата шаарларында өтөт. Уюштуруучулардын билдиришинче, бир нече жылдан бери өткөрүлүп келе жаткан фестивалдын максаты – Кыргызстандагы кол өнөрчүлүктү өнүктүрүү, байыртан келе жаткан салтты жандандыруу, маданий мурастарды сактап, кыргыз бермети – Ысык-Көлдү туризмдин Мекесине айландыруу болуп саналат.
Фестивал 31-июлда Бишкекте ачылып, 2-июлга чейин созулат. Борбор калаадагы бөлүгүндө “Ала-Тоо” кинотеатрынын жанындагы аянтчада, Мамлекеттик тарых музейинде, Г. Айтиев атындагы көркөм сүрөт кол өнөрчүлүк музейинде, Эмен паркында иш-чаралар болот. 3-августтан 9-августка чейин Ысык-Көлдүн жээгинде, Чолпон-Ата шаарында уланат.
Кыргыз элинин кол өнөрчүлүгүн даңазалаган “Оймо” фестивалы бир нече жылдан бери уюштурулуп, ага алыскы жана жакынкы чет өлкөлөрдөн кол өнөрчүлөр, искусство адамдары катышып келишет.(ZKo)
