Линктер

ЧУКУЛ КАБАР!
21-Октябрь, 2021 бейшемби, Бишкек убактысы 10:34

Таласта акимди жактаган айыл өкмөт башчылары иш ташташат


Талас районунун акими Райкан Өзүбековду кызматтан алуу маселеси көтөрүлүп жатканына райондогу айыл өкмөт башчылары, айылдык кеңештин депутаттары каршы. Эгер аким кызматтан алынса, Талас районундогу 11 айыл өкмөттүн башчылары иш таштоого даяр экенин "Азаттыкка" Кууганды айылдык кеңешинин депутаты Азиз Курамаев билдирди.

- Аким жакшы иштеп жатканы үчүн айыл өкмөттөрдүн иши алдыга жылды. Жайлоого кеткен жолдорду сүрдүрүп, өзүнүн жанынан каражат жумшап, көп иштерди жасады. Өткөн жылы кургакчылык болуп, эч бир айыл өкмөттө төө буурчак болбой калган. Ошондо дыйкандардын абалынан келип кабар албаган Сарпашев быйыл шайлоонун шарапаты менен алты жолу келип кетти - деген Курамаев Өзүбеков облустагы башка акимдерден жакшы иштегени менен айырмаланганын белгилейт.​

Жергиликтүү тургундар аким Өзүбековду кызматтан алууга облустук жетекчилик менен 1-вице-премьер-министр Тайырбек Сарпашевдин кызыкчылыгы бар деген ишенимде экенин Курамаев кошумчалады. Азырынча вице-премьер-министр Сарпашевден комментарий алууга мүмкүн болгон жок.

Талас районунун акими Райкан Өзүбеков жергиликтүү кеңештин кошмо жыйынында үч талапкердин ичинен бир добуш менен 2014-жылы шайланган. “Ата Мекен” партиясынын мүчөсү. (ZKo)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG