Өзгөчө кырдаалдар министрлигинен кабарлашкандай, сууга агып кеткен баланын сөөгү 2-августта түнкү саат 12ге жакын табылды.
12 жаштагы Талгат Абдынасыров 25-июлда кечки саат сегиз жарым чамасында Аламүдүн районуна караштуу Лебединовка айылында Жибек-Жолу - Калинин көчөлөрүнүн кесилишинен каналдагы тез аккан сууга түшүп кеткен.
Баланын Чоң Чүй каналын кѳздѳй агып баратканын өтүп бараткандар көрүп калып, куткаруучуларды чакырышкан. Кырсыкка кабылган бала Бишкектеги Кара-Жыгач конушунун Төө-Ашуу көчөсүндө жашачу. (AzK)
