Оштогу кир жуугуч машиналарды чыгаруучу "Жинмей" заводунун базасында Hisense үлгүсүндөгү сыналгылар чыгарыла баштады. Бул тууралуу "Жинмей" кыргыз-кытай биргелешкен ишканасынын жетекчиси Ле Доң билдирди. Анын айтымында, учурда телевизорлордун мамлекеттик талаптарга ылайыктуулугу текшерүүгө жиберилгени турат.
Ошто чыккан телевизорлордун сапаты кыргыз эксперттерин канааттандырса, завод күн сайын жүз даанадан сыналгы чыгарып турмакчы.
"Жинмей" заводу кошуна мамлекеттерди негизги кардар деп эсептейт. Аталган завод былтыртан бери иштеп жатат. Бул арада завод чыгарган 5 миң даана кир жуугуч машине Өзбекстанга сатылган. (YI)
