Кыргызстандын Орусиядагы элчилиги жарандардын биометрикалык маалыматтарын 10-августтан калтырбай тапшырууга чакырууда. Мындай маалыматты “Азаттыкка” элчиликтин 2-катчысы Айымкан Кулукеева билдирди.
Анын ырасташынча, Москвадагы Кыргызстан элчилигинин кеңсеси 10-августта эртең мененки тогуздан кечки тогузга чейин үзгүлтүксүз иштейт.
“Учурда Орусиянын аймагында жашаган кыргызстандык шайлоочулардын тизмеси түзүлүүдө. Ал тапшырылган биометрикалык маалыматтарга карап жүргүзүлөт. Биометрикалык маалыматтарды кабыл алуу 10-августтан кийин токтойт”, - деди Кулукеева.
Биометрикалык маалымат тапшыруу үчүн Кыргызстандын паспорттору (ID-карта, жалпы жарандык паспорт) талап кылынат. Тейлөө акысыз. (МТо)
