Иркутск шаарынын Октябрь райондук соту кыргызстандык Санжарбек Мукашевди мыйзамсыз маңзат ташуу менен алектенгени үчүн 5 жылга эркинен ажыратты. Иркутск облусунун прокуратурасы тараткан маалыматка ылайык, Мукашев 2014-жылдын күзүндө кармалган. Тергөө иштеринин жүрүшүндө ал 500 АКШ доллар эмгек акы алуу үчүн 400 граммдан ашуун маңзатты ашказанына салып, Бишкектен Иркутск шаарына барганы аныкталган. Маңзат 79 майда капсулага өз-өзүнчө салынган.
Ал жаза мөөнөтүн күчөтүлгөн тартиптеги абакта өтөйт. (SE)