Чыгыш Казакстан облусунун Үржар районунда жүргүнчү автобус ала салып кетип, ондон ашуун адам ар кандай жаракат менен ооруканага түштү. Бул тууралуу "Азаттыктын" казак кызматы облустук чукул кырдаалдар департаментине таянуу менен кабарлады.
Каза тапкандар тууралуу маалымат жок. Автобуста жалпысынан элүү чакты адам болгон. Жол кырсыгынын себептери аныкталууда.
