Жогорку Кеңеш депутаттары Өмүрбек Абдырахманов жана Равшан Жээнбеков “Ар-намыс” партиясына кошулат. Алар менен кошо бул партияга УКМКнын мурдагы жетекчиси Кубатбек Байболов да кирери кабарланууда. Аталган саясатчылар бүгүн буга байланыштуу билдирүү менен кошо, Кыргызстандагы азыркы акыбалы, экономикалык кризиси, өлкөнүн ички-тышкы саясаты тууралуу пикирлери менен бөлүшмөкчү.
“Ата Мекен” партиясынын мурдагы мүчөлөрү Өмүрбек Абдырахаманов менен Равшан Жээнбеков батышчыл көз караштагы саясатчылар, ал эми “Ар-намыс” партиясынын лидери Феликс Кулов Орусиянын саясатын жактаган саясатчы катары белгилүү. (ZKo)