"Таза шайлоо" ассоциациясы парламенттик шайлоого көз каранды эмес байкоо жүргүзүү кампаниясын баштады. Аталган уюмдун башчысы Айнура Усупбекованын билдиришинче, шайлоону даярдап өткөрүүгө 35 узак мөөнөттөгү байкоочу, ал эми добуш берүү күнү 850 кыска мөөнөттөгү байкоочу көз салат.
4-октябрда Кыргызстанда парламенттик шайлоо өтөт. Ага катышуу ниетин 34 партия билдирди. (EBM)