Кыргызстан менен Казакстан ортосунда бажы көзөмөлүнүн жоюлушу эки тараптуу соода-сатыкты, бизнести жандандырат жана Евразия экономикалык биримдигинин алкагындагы бул иш мындан ары да улантылат деп билдирди бүгүн Кыргызстандын ЕАЭБге иш жүзүндө толук кандуу мүчө болуп киришине байланыштуу салтанатта сүйлөп жатып казак президенти Нурсултан Назарбаев.
Назарбаев тышкы кризистин таасири тийип жатканын, ошондуктан соода алакасы боюнча көрсөткүч пландалган деңгээлге чыга электигин моюндады:
- Биз мындай болуп кетерин билген эмеспиз да. Бирок ошондой болсо да көрүлүп жаткан аракеттер элдерибиздин жашоо шартын жакшыртат. (RK)