1-вице-премьер-министр Тайырбек Сарпашевдин унаасы Бишкек-Ош жолунда кырсыкка кабылганы тууралуу маалымат бүгүн интернет булактарына тарады. Анда кырсыкка кабылган 002KG номурлуу автоунаанын алдыңкы бөлүгү капшырылып кеткен сүрөттөрү жарыяланган.
1-вице-премьер-министрдин кеңешчиси Мелис Эржигитов ал Сарпашевди ташып жүргөн машине экенин ырастап, бирок кырсык мындан бир ай мурун – 14-июлда болгонун билдирди.
Кызматтык автоунаа кырсыкка кабылган маалда 1-вице-премьер-министр Жалал-Абадда жумушчу сапарда жүргөн.
Ал жакка бараткан айдоочу рулду башкара албай калган. “Азыр абалы дурус, үйүндө дарылануусун улантууда”,- деп айтты М. Эржигитов. (SE)
