14-августта Бишкекте “Атактуулардан арзан сатып ал” аттуу эки күндүк кайрымдуулук иш-чарасы башталды. Шоу-бизнес жаатында таанымал инсандар шаардагы соода борборлордун биринде эки күн катары менен 70 пайызга чейин арзандатылган буюм-тайымдарды, кийим-кечелерди сатышат. Түшкөн акча жетим балдарды мектепке даярдоого, мектеп формасын, окуу куралдарын сатып берүүгө жумшалмакчы. Акцияны "Элим барсыңбы?" коомдук кайрымдуулук фонду уюштурду.