Президент Алмазбек Атамбаев бүгүн Жамааттык коопсуздук келишим уюмунун Башкы катчысы Николай Бордюжаны кабыл алды. Жолугушууда уюмдун уставдык органдарынын сентябрда боло турган отурумдарына карата даярдыкка байланышкан маселелер талкууланды.
Алмазбек Атамбаев жана Николай Бордюжа ошондой эле ЖККУнун ишмердүүлүгүнө тийиштүү маселелерди, анын ичинде Кыргызстан менен уюмдун аймактагы коопсуздукту камсыз кылууда өз ара кызматташтыгынын ар кыл багыттарын талкуулашты. (RK)
