“Таза оппозициялык кыймыл” деп аталган уюм Ак үй алдында парламенттик шайлоого каршы митинг өткөрдү. Бул тууралуу кыймылдын жетекчиси Назарбек Нышанов “Азаттыкка” маалымдады.
- Шайлоого карапайым адамдар катыша албай калды. Партияга кирүү үчүн миллиондорду берүү керек экен. Жөнөкөй жарандардын шайлоо жана шайлануу укугу одоно бузулуп жатат. Шайлоого катышууга бирдей мүмкүнчүлүк түзүү керек, - деди Нышанов.
Митингге катышкан он чакты адам кыргыз элине жана жогорку бийлик жетекчилерине кайрылуу жолдошту.
4-октябрда Кыргызстанда парламенттик шайлоо өтөт. Ага катышуу ниетин 34 саясий партия билдирген. 20-августка чейин алар жалпы республикалык курултайларын өткөрүп, талапкерлер тизмесин БШКга тапшырууга милдеттүү.(UEz)
