Президент Алмазбек Атамбаев бүгүн Бишкектеги Каниметов атындагы №1 гимназия-интренатка барып, компьютерлерди тапшырды. Ал жакынкы эки жылда 100 жаңы мектеп салынып, ушунча мектеп ремонттон өтөрүн билдирди. Ошондой эле өкмөт убада кылган мугалимдердин айлык акысын көбөйтүүнү өзү көзөмөлгө аларын айтты.
Өкмөт 1-сентябрдан тарта мугалимдердин айлыгын 50% көтөрүүнү пландоодо. Бул үчүн бюджеттен 2,2 млрд. сом бөлүнөрү кабарланган. (КЕ)
