3-сентябрда Таласта калыңдыгы 5 см. келген кар жааганын Кыргызстандын өзгөчө кырдаалдар министрлиги билдирди. Табияттын кескин өзгөрүшүнөн Талас районундагы Айдаралиев айылында 300 гектар дан эгини жана 900 гектар чөп кар астында калды.
Ошондой эле Осмонкулов айыл аймагында 50 гектар арпа жана 500 гектар картошка аянты капыс сууктан жабыркады. Мындан сырткары Суусамыр жайлоосундагы калын кардан жергиликтүү тургундардын 6 миң кой-эчкиси тоютсуз калды. Аларга 2 КамАЗ автоунаасы менен 600 чоң боо чөп жөнөтүлдү.(КЕ)
