Жарандык активист Өндүрүш Токтонасыров бүгүн Жогорку Кеңеш имаратынын алдында “Жетишет, саламатта барыңыз” деген аталышта пикетке чыкты.
Бул тууралуу Токтнасыров өзү "Азаттыкка" кабарлады. Акция аркылуу ал шайлоого шылтап, жумушка чыкпай эле айлык алып, ыйгарым укуктарын колдонуп жаткан депутаттарга нааразылыгын билдирүүдө.
Парламент депутаттары жайкы эс алуудан кайтканына карабай, Жогорку Кеңештеги жыйындарга толук келбей жатышат. Анын эки жолку жыйыны кворум болбогондуктан үзгүлтүккө учураган. Азыркы курамдагы 120 депутаттын 90дон ашууну парламенттик шайлоого аттанышкан. (КE)
