Гүлүмдүн ийгилиги

Көзү азиз ырчы кыз Гүлүм декабрь айында жапониялык ырчы Мита Рё менен Токиодо өнөрүн көрсөтө турган болду. Экөөнүн биргелешкен концерти бейшембиде Калый Молдобасанов атындагы Улуттук консерваторияда зор ийгилик менен өттү. Кыргызча, англисче, орусча, жапончо ырларды мыкты аткарган ырчы кыз Гүлүм Касымбаевага жараткан ар тараптуу шык-жөндөм, талант бергени менен мүмкүнчүлүгүн чектеп коюптур. Анын эки көзү азиз болгону менен жан дүйнөсү бай, сезимтал, жароокер жан экен. Анын аткарган ырларынын компакт-диски жакында Жапонияда көп нускада чыгып, октябрь айында сатыкка коюлганы турат.