Ысык-Көлдө парламенттик шайлоо учурунда коомдук коопсуздукту камсыздоо боюнча милиция кызматкерлери мыйзам эрежелерин сактоо боюнча сынактан өткөрүлүүдө. Аны облустук ички иштер башкармалыгы уюштурууда.Тартип сакчыларына шайлоо маалында өзүн алып жүрүүсү, үгүт учурунда дубанда коомдук-саясий кырдаалды камсыздоо багытындагы кеп-кеңештер берилет.
Маалыматка ылайык, добуш берүү күнү облуста коомдук тартипти сактоого 600 милиция кызматкери жана 2500дөн ашык элдик кошуундун өкүлдөрү тартылат. Алар дубандагы 240 шайлоо пункттарын көзөмөлдөйт. (AsA)
