Бүгүнкү күнгө карата парламенттик шайлоого байкоочу катары 4 эл аралык уюмдан 45 адам катталды. Бул тууралуу "Азаттыкка" Борбордук шайлоо комиссиясынан кабарлашты.
Алар Европадагы коопсуздук жана кызматташтык уюму (ЕККУ), Көз каранды эмес мамлекеттер шериктештигинин (КМШ) аткаруу комитети жана Латвия, Корея Республикасынын элчиликтери.
Эл аралык байкоочуларды каттоо 20-сентябрга чейин жүргүзүлөт. Жергиликтүү байкоочулар каттоого турууга милдеттүү эмес. Кыргызстанда парламенттик шайлоо 4-октябрда өтөт. (RK)
