Талас облустук ички иштер башкармалыгынын маалымат кызматынан “Азаттыкка” билдиришкендей, 14-сентябрда Талас шаарынын тургунунан арыз түшкөн. Арыз ээси анын 16 жаштагы жээнин ата-энесинин майыптыгынан пайдаланып, 58 жаштагы кошунасы август айында короого алып барып, күч колдонуп зордуктаганын билдирген. Арызда кыз бир нече жолу зордукталып, боюна бүтүп калганы айтылат.
16 жаштагы кыздын атасы 3-топтогу, энеси 2-топтогу майып экени кабарланды. (AzK)