Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 20:23

Украина Орусияга каршы санкцияларды кеңейтти


Украина өлкөнүн чыгышындагы шайлоолорго байланыштуу айрым орусиялык саясатчылар менен компанияларга жана ВВС, немис, испан гезиттери менен кызматташкан журналисттерге карата жаңы санкцияларды киргизип, мурдагыларын узартты. Президент Петр Порошенконун айтуусунда, анын буйругу Донецк жана Луганскидеги жикчилдердин шайлоо датасын мыйзамсыз жарыялоосуна жооп болуп эсептелет.

Украинада жергиликтүү бийликтерге шайлоо 25-октябрга белгиленген. Өзүн Донецк облусунун башчысы катары эсептеген Александр Захарченко добуш берүү 18-октябрда өтөрүн жарыялаган. Луганск облусунда шайлоо 1-ноябрда өтөрү кабарланган. Минск келишимине ылайык добуш берүү өлкө боюнча бир күнгө белгилениши керек.

Киевдин жаңы санкцияларынын тизмесинде 400 адам жана 90 мекеме-ишкана бар. Атап айтканда, Орусиянын коргоо министри, Мамлекеттик думанын спикери, “Аэрофлот”, “Газпромбанк” компаниялары, BBCнин Москвадагы бөлүмүндө иштеген бир орусиялык, эки британиялык кабарчысы, немистердин Die Zeit, испандардын El Pais басылмаларынын журналисттери, ТАСС агенттигинин, НТВнын, “Известия”, “Российская газетанын” кабарчылары бар.

BBC редактору Эндрю Рой “Азаттыкка” курган маегинде Киевдин бул аракетин сөз эркиндигин ооздуктоо катары баалады. (SE)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG