Крым татарлары Украинадан Крым жарым аралына азык-түлүк жана башка товарларды өткөрбөйт. “Узак мөөнөттүү блокада 20-сентябрда башталат”,-деп билдирди Крым татарларынын межилисинин төрагасы, Украина парламентинин мүчөсү Рефат Чубаров.
Ал 16-сентябрда Жогорку Радада сүйлөп, жүк тартуучу чоң машинелер Крымга өткөрүлбөсүн, бирок жарандар жана жеке менчик машинелерге жол ачык болорун эскертти. “Азык-түлүк блокадасы Херсон облусундагы Чонгар кыштагынан координацияланат,”- деди Чубаров. Чонгар Крымга өтчү үч жолдун тоомунда жайгашкан.
Украинага тийиштүү жарым аралды Орусия былтыр мартта каратып алган.