Биометрикалык каттоодон өткөндөр саны 2 млн. 842 миңден ашты. Бул тууралуу биринчи вице-премьер-министр Тайырбек Сарпашевдин маалымат катчысы Мелис Эржигитов “Азаттыкка” билдирди. Акыркы бир жума аралыгында эле 40 миңдей жаран каттоодон өткөн.
Анын айтуусунда, биометрикалык маалымат топтоо шайлоого байланыштуу 18-сентябрдын түнүндө убактылуу токтотулган. Аталган өнөктүк 5-октябрдан тарта кайрадан жанданат.
Жарандардан биометрикалык маалымат топтоо жараяны өткөн жылдын сентябрында башталган. Кыргызстанда добуш берүү алгач ирет биометрикалык маалымат негизинде өтөт.(UEz)
