Линктер

ЧУКУЛ КАБАР!
20-Октябрь, 2021 шаршемби, Бишкек убактысы 10:25

Жогорку Соттун төрайымы болуп Айнаш Токбаева шайланды


Жогорку Соттун судьялары бүгүн шайлоо өткөрүп Айнаш Токбаеваны мекеменин төрайымы кызматына шайлашты. Добуш берүү ачык өткөнүн “Азаттыкка” Жогорку Соттун басма сөз катчысы Айнура Токтошева билдирди. Мурдагы төрайым Феруза Жамашова жарандык иштер боюнча жетекчинин орунбасары кызматына шайланды.

Төрайымдын кылмыш иштери боюнча орунбасары болуп Качыке Эсенканов, административдик жана экономикалык иштер боюнча орунбасар болуп Анархан Базаралиева шайланды.

Добуш берүү ачык шайлоо ыкмасында өттү. Жетекчиликке Токбаева жалгыз талапкер катары көрсөтүлдү.

Жаңы төрайым 55 жашта. Кыргыз мамлекеттик университетинин юридикалык факультетин бүтүргөн. Ош шаардык сотунда төрайым, адвокат болуп иштеген. Соңку жылдары Ош облустук райондор аралык сотун жетектеди.

Мыйзам боюнча, Жогорку Соттун төрагасы үч жылда бир шайланат. Экинчи мөөнөткө барууга акысы жок. (SE)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG