Америка Кошмо Штаттарынын президенти Барак Обама Бириккен Улуттар Уюмунун Башкы ассамблеясында Орусия президенти Владмир Путин менен жолугушууну көздөп жатканын “Нью-Йорк Таймс” басылмасы президенттин акимчиликтеги ишенимдүү булактарга таянып кабарлады.
Обама Украинадагы уруш жаңжалдан улам 2014-жылы Путин менен жолугушуудан баш тарткан. АКШ президенти бул ирет орус жетекчиси менен Минск келишими, Сириядагы көйгөйдү чечүү маселелерин кароону көздөп жатат. Тараптар Нью-Йорктогу жолугушуу үчүн ыңгайлуу убакытты издешүүдө деп жазат аталган басылма.
Бирок расмий Кремль эки лидердин жолугушуусу болот деп айтуу азырынча эрте экенин эскерткенин Reuters агенттиги жазып чыкты. (BCh)
