Кант шаарында 28-сентябрда кызылча эккен дыйкандардын “талаа күнү” өтөт. Кесип күндө дыйкандар Германия менен Жапониядан алып келинген комбайн, трактор жана кызылча казуучу атайын техникаларды иштетип көрүшөт.
"Талаа күнүн" уюштурган "Жанарт групп" кыргыз-жапон корпорациясынын жетекчиси Манас Саматовдун "Азаттыкка" билдиришинче, Чүй облусу боюнча 12 кызылча казуучу комбайн бар. Техника жетишсиздигинен, эски ыкмалар менен иштеп көп чыгым тарткандыктан дыйкандар жыл өткөн сайын кант кызылчасын эгүүдөн баш тартышууда.
Өлкө боюнча 5 миң гектар жерге кант кызылчасы эгилет. (JM/SE)
