Өзбекстан өкмөтү 18 жашка чыга элек уландарга жума намазына же мечиттердеги башка ибадаттарга, анын ичинде кечээги Курман айт намазына барууга тыюу салды.
Билим берүү министрлигинин 23-сентябрда чыгарган буйругуна ылайык, балдар намаз убагында мечиттерде кармалып калса, ата-энелер 750 долларга барабар айып пул төлөөгө милдеттендирилет. Бул Өзбекстандагы дээрлик 15 орточо айлык акыга тете. Имамдарга да 18ге чыга элек жеткинчектерге мечиттерде намазга жыгылууга уруксат бербөө эскертилди. Өзбек бийлиги исламчыл экстремисттердин коркунучуна жана калк арасындаы исламчыл сезимдердин өсүшүнө байланыштуу камтамасын билдирип келет.
