Өзгөчө кырдаалдар министрлиги өз карамагындагы жарандык коргонуу институтун түзүүнү сунуштады. Министрлик бул сунуш учурда коомдук талкууга коюлганын билдирди.
Аталган долбоорго ылайык, институт Жарандык коргонуу борборунун базасында түзүлөт. Ал министрликтин иликтөө, изилдөө тобу катары иштеп, жарандык коргонуудагы эң негизги делген көйгөйлөр менен иштешет.
Статистика көрсөткөндөй, Кыргызстанда экологиялык жана башка кырсыктардын көрсөткүчү жогору. Бир жылда экономикага олуттуу зыян келтирген 200дөй кырсык катталат. (TSh)
