Линктер

ЧУКУЛ КАБАР!
17-Октябрь, 2021 жекшемби, Бишкек убактысы 00:31

Ташиевдин талапкерлиги каттоодон алып салынды


“Республика Ата Журт” партиясынын теңтөрагасы Камчыбек Ташиевдин парламенттик шайлоого талапкерлиги каттоодон алып салынды. Бул тууралуу “Азаттыкка” Борбордук шайлоо комиссиясынан билдиришти. БШК өкүлдөрү бүгүн жыйынга чогулуп, ушундай чечим кабыл алышты.

Ташиев “Өнүгүү-Прогресс” партиясынан талапкер Абдыманап Абдыбахаповду сабап койгону кабарланып, факт боюнча кылмыш иши козголгон.

Окуя 26-сентябрда “Өнүгүү-Прогресс” партиясынын Жалал-Абад облусундагы Сузак райондук штабында түштөн кийин болгон. Партиянын маалымат кызматы Ташиев Абдыбахаповго эч себепсиз кол көтөргөнүн айтып чыккан. Абдыбахапов ооруканага жаткан.

Ташиев мушташ болгонун тастыктап, бирок муну “Өнүгүү-Прогресс” партиясындагылар уюштурган атайын чагымчылык деп атаган. (SE)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG