Линктер

ЧУКУЛ КАБАР!
24-Октябрь, 2021 жекшемби, Бишкек убактысы 08:31

Бүгүн Борбордук шайлоо комиссиясы КСДПга байланыштуу маселени карайт


Социал-демократтар партиясынын талаштуу үгүт урааны

Борбордук шайлоо комиссиясы Социал-демократтар партиясынын үгүтү боюнча келип түшкөн арыздарды карайт. БШК мүчөсү Жаркын Бапанованын “Азаттыкка” билдиришинче, бул маселе 30-сентябрда каралмак, бирок тийиштүү документтер даяр болбой калгандыктан бүгүнкүгө калган.

“Азаттык” партиясынын жетекчиси Исмаил Исаков КСДПнын үгүт жарнамалары боюнча чара көрүүнү суранып Борбордук шайлоо комиссиясына арыз менен кайрылган. Анда КСДП “Президентти колдойлу!” деген урааны менен Башмыйзамды бузуп жатканы белгиленген. Айрым жарандык активисттер да ушундай эле негиз менен партияны шайлоодон четтетүүнү талап кылышууда.

Мыйзам боюнча мамлекет башчы эч бир партияны жандабай, шайлоо учурунда бейтарап болушу керек.

Партиянын Бишкектеги штабынан билдиришкендей, мамлекет башчы Алмазбек Атамбаев КСДПны менин партиям деп мурдатан ачык айтып жүргөндүктөн, жогорудагы ураан үгүткө колдонулуп жатат.

“Азаттык” партиясынын “Азаттык” радиосуна тиешеси жок. (КЕ)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG