Линктер

ЧУКУЛ КАБАР!
17-Октябрь, 2021 жекшемби, Бишкек убактысы 16:14

Москвада Орусиядагы кыргыз мигранттарынын маселеси талкууланат


Кыргызстандын Эмгек, миграция жана жаштар министри Айбек Азыранкулов эртең, 2-октябрда Москвада Орусиянын Федералдык миграция кызматынын жетекчиси Константин Ромодановский менен жолугат. Бул тууралуу бүгүн "Азаттыкка" министрликтин миграциялык саясат башкармалыгынын башчысы Каныбек Сартбаев билдирди.

Анын айтуусунда ушул тапта министр Екатеринбург шаарында жүрөт. Эртең Москвада мигранттардын Орусияда жүрүү шартын жеңилдеткен келишимдерден кийин жаралган айрым көйгөйлөр талкууланат.

Буга чейин Орусиянын миграциялык "кара тизмесине" кирип калуу тобокелчилиги бар мигранттарга 1-ноябрга чейин Орусиядан чыгып, кайра кирүү жолу менен миграциялык тарыхын жаңылап алуу мүмкүнчүлүгү түзүлгөнү менен айрым жарандардын кайра Орусияга кире албай калган учурлары катталганы кабарланган.

Азыранкулов Орусияга 30-сентябрда кеткен. Анын иш сапары 2-октябрга чейин уланат. (AzK)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG