Чет элде жүрүп парламенттик шайлоого катышууга укуктуу кыргызстандыктардын саны мурда айтылгандай 5 миңдин тегерегинде эмес, 15 миңден ашты. Бул сан акыркы эсептин жыйынтыгы экени расмий кабарланды. Жалпысынан добуш берүүчүлөрдүн саны 2 миллион 761 миң 297 адам деп такталды.
Өздөрүн тизмеден таба албай калган шайлоочулар үчүн маалымат борбору уюштурулат. Ал жерде жарандар жеке идентификациялык номуру аркылуу добуш бере турган шайлоо участкасын аныктай алат.
14 партия ат салышып жаткан парламенттик шайлоо 4-октябрда өтөт. (SE)
