Украинанын өкмөттүк армиясы жана орусиячыл жикчилдер Донбасстагы уруш тилкесинен майда калибрдеги курал-жарактарды чыгарып кете башташты. Куралдуу күчтөрдүн маалымат катчысы Руслан Ткачуктун айтымында, жараян 5-октябрда Луганск облусунда башталып, танк, антитанктык замбиректер жана минометтор ичкери чегинүүдө. Лугансктагы козголоңчулар бул маалыматты тастыкташты. Киийнчирек Донецктеги курал-жаракты да алып чыга башташмакчы. 100 милиметрден ашпаган калибрдеги курал 41 күндүн ичинде уруш тилкесинен 15 километр алыс чыгарылууга тийиш. Бул шарт февралда Минскте кол коюлган ок атышпоо келишиминде жазылган.
