10-октябрда Бишкекте Shape Eurasia 2015 эл аралык форуму башталат. Иш-чара Бүткүл дүйнөлүк Экономикалык Форумдун жаштар канаты тарабынан уюштурулуп, "Алга, көчмөндөр!" деген ураандын астында өтөт. Уюштуруучулардын "Азаттыкка" айтымында, көчмөндөр маданияты башкы тема катары тандалып алынды. 20дан ашык өлкөнүн жаш лидерлери жана бизнес өкүлдөрү Кыргызстандын туристтик мүмкүнчүлүгү жана бизнес-экономикалык деңгээли менен таанышат. Форум 11-12-октябрда Ысык-Көлдө улантылат. (JM/КЕ)
