Баткен облусунун Кадамжай районуна караштуу Марказ айыл аймагында кылмыштуу топтун мүчөлөрү деп шектелген 22-25 жаштын тегерегиндеги төрт адам кармалды. Бул тууралуу облустук ички иштер башкармалыгынан “Азаттыкка” маалымдашты.
Кабарларга караганда, алар жергиликтүү тургундардын мүлктөрүн карактап, абакка акча киргизүү максатында талап-тоноп жаткан кезде атайын операциянын алкагында колго түшкөн. (JsA)
