Ошто Кытай жараны адам өлүмүнө шектелип кармалды. Бул тууралуу Ош шаардык милициясы кабарлады.
Кечээ, 12-октябрда Ош шаарындагы "Таатан" базарынын кампасынан бычакталып өлтүрүлгөн 42 жаштагы кытайлык аялдын сөөгү табылган. Ал желим терезе жасаган фирмада иштеп, кампада жашап келген.
Ош шаарынын экс-мэри Мелис Мырзакматов ээлик кылат деген "Таатан" базарында 400дөй Кытай жараны соода кылат. Расмий маалымат боюнча, Ош шаарында ишкерлик кылууга бул өлкөнүн 200дөй жараны уруксат алган. (YI)
