Линктер

ЧУКУЛ КАБАР!
20-Октябрь, 2021 шаршемби, Бишкек убактысы 09:09

ЖК маалымат кызматы: Кресло сатып алууну төрага токтотту


Асылбек Жээнбеков депутаттарга кресло сатып алуу боюнча тендерди токтотту. Бул тууралуу маалымат парламенттин расмий сайтына бүгүн жарыяланды.

Маалыматка караганда, бул чечим кечээ, 13-октябрда кабыл алынды, "Тендер төраганын макулдугусуз жарыяланган, ал кезде Асылбек Жээнбеков шайлоо өнөктөгүнө катышып жүргөн", деп билдирди маалымат кызматы.

8-октябрда Мамлекеттик сатып алуу кызматынын интернет баракчасында Жогорку Кеңештин Иш башкармалыгы 120 кресло сатып алууга тендер жарыялагандыгы боюнча маалымат пайда болгон. Ага парламент 2,6 млн. сом жумшамак. Бирок кечээ Иш башкармалыктын жетекчиси Алмаз Кожомкулов тендер тууралуу буйрук бербегенин айтып чыкты.

Кресло сатып алуу демилгеси коомчулуктун кескин сынына кабылып, социалдык тармактарда кызуу талкууга алынган, жарандык коом өкүлдөрү 120 креслого жумшалчу каражатты айыкпас дартка чалдыккандарга көмөк көрсөтүүгө жумшоо демилгесин көтөрүп чыгышкан. (JM/RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG