Жалал-Абадда республикалык спартакиада жыйынтыкталды. Облустун Жалал-Абад, Кочкор-Ата, Майлуу-Суу шаарларында жана Токтогул шаарчасында алты күн бою өткөрүлгөн 7-республикалык спартакиада бүгүн жыйынтыкталды. Бул тууралуу “Азаттыкка” Дене тарбия жана спорт мамлекеттик агенттигинин директору Шейшенбек Бакиров билдирди.
Мелдештердин жыйынтыгында 1-орунду Бишкек шаары, экинчини Жалал-Абад облусу ээлесе, 3-орунду Чүй менен Ош облустарынын спортчулары алышты.
Өкмөт байге фондуна 1 млн сом бөлгөн. Мелдешке 2000ге чукул спортчу катышты. Алар спорттун 13 түрү боюнча өлкө биринчилиги үчүн ат салышты.
4 жылда бир өтүүчү спартакиада кийинки жолу Бишкек шаарында өтөт. (RsK)