Борбордук шайлоо комиссиясынын мүчөсү Рашид Бекбасаровдун “Азаттыкка” ырасташынча, Бишкекте бир, Чүйдүн Москва районунда эки, Оштун Кара-Суу районунда беш шайлоо бекетиндеги добуштар жокко чыгарылды. Бул участоктордун көбүндө бюллетендер топ-тобу менен салынганы аныкталган. Бекбасаровдун белгилешинче, түшкө чейин бардык протоколдор кайра текшерилип, бүгүн-эртең расмий жыйынтык чыгарылат.
Кыргызстан эли 4-октябрда Жогорку Кеңештин депутаттарын шайлады. Ага 14 партия катышып, алтоо уткан. (КЕ)