Бул тууралуу Социалдык өнүктүрүү министрлиги маалымдады. Ага ылайык, жыл башынан бери 2 миң 289 баланын туулгандыгы тууралуу күбөлүктөрү калыбына келтирилди, 254 бала мектепке кайтарылды. Ата-энесиз калган 816 бала жакын туугандарынын кароосуна берилди, дагы 65 бала үй-бүлөлүк типтеги балдар үйлөрүнө бөлүндү.
Социалдык кызматкерлердин аракети менен 82 бала биологиялык ата-энелерине кайтарылып берилди.
Ички жана тышкы миграциянын айынан Кыргызстанда кароосуз калган балдар көйгөйү күч алууда. Акыркы убактарда ата-энелери чет мамлекеттерде миграцияда жүргөн балдардын укуктары жакын туугандары тарабынан тебеленген учурлар көп катталууда.
Кыргызстанда элдин 38% балдар түзөт.(ZKo)
