Кыргызстандын аймагында 19-октябрга чейин туруксуз аба ырайы болот. Мезгил-мезгили менен жаан жаап, тоо этектерине, тоолорго кар түшөт. Тоолуу аймактардын автожолдорунда тоңголок, тайгак болот. Кээ бир райондордо батыштан соккон шамалдын ылдамдыгы секундасына 15-20 метрге чейин жетет.
Мындай аба ырайы айыл чарбада түйшүк жаратып, автоунаа, энергетика жана коммуналдык кызматтардын ишин жана жайыттарда мал кармоону кыйындатат.
19-20-октябрь күндөрү Чүй, Талас, Ысык-Көл облустарынын айрым жерлеринде үшүк жүрөт.
18-октябрга карата аба ырайы
18-октябрда көпчүлүк аймактарда жаан жаайт. Тоо этектеринде жамгыр карга айланып, айрым учурларда жаан-чачын катуу жаашы мүмкүн. Батыштан соккон шамалдын ылдамдыгы секундасына 4-9, айрым жерлерде 15-20 метрге жетет.
Абанын температурасы:
Чүй өрөөнүндө түнкүсүн 3...8, күндүз 6...11,
Талас жергесинде түнкүсүн 1...6, күндүз 6...11,
Баткен облусунда түнкүсүн 4...9, күндүз 11...16,
Ош жана Жалал-Абад аймактарында түнкүсүн 7...12, күндүз 12...17,
Ысык-Көл дубанында түнкүсүн 2...7, күндүз 9...14,
Нарында түнкүсүн 1...6, күндүз 8...13,
Бийик тоолуу райондордо түнкүсүн -3...-8, күндүз 0...-5 градус болот.
Бишкек шаарында мезгил-мезгили менен жаан жаайт. Түнкүсүн 6…8, күндүз 7…9 градус жылуу болот.
