Сербиянын аймагында кармалып турган миңдеген мигранттардын Хорватияга өтүүсүнө бийлик жол ачты. Бириккен Улуттар уюмунун качкындар боюнча башкармалыгынын маалымат катчысы Мелита Сунжич “чек ара жарыясыз ачылганда, анда топтолуп турган адамдардын баары агылып өттү” деп 19-октябрда билдирди.
Көп мигранттар Хорватия менен Словениянын чек арасында кала берүүдө. Коопсуздукка байланыштуу Венгрия өзүнүн чек арасын жапкандан кийин мигранттар Хорватия жана Словения аркылуу түндүк Европанын бай мамлекеттерине умтулууда. (AiT)
