Кыргызстанда быйыл жыл башынан бери 137 өспүрүм зордукталып, иштердин 110у сотко өттү. Бул тууралуу “Азаттыкка” Ички иштер министрлигинин Өспүрүмдөр менен иштөө бөлүмүнүн жетекчиси Азамат Абдырахманов билдирди.
Быйылкы көрсөткүч өткөн жылга салыштырмалуу 25 пайызга өскөн. Былтыр 109 өспүрүм сексуалдык зомбулукка кабылган.
Жашы жетелекте зордукталгандардын 70% кыздар, калганы эркек балдар.
Балдарды зордуктоо боюнча эң көп факт Чүй облусу менен Бишкек шаарында катталат. (SE)
