Линктер

ЧУКУЛ КАБАР!
19-Октябрь, 2021 шейшемби, Бишкек убактысы 08:52

Ошто мушташ үчүн чет элдик 20 студент кармалды


Бул тууралуу “Азаттыкка” Ош шаардык ички иштер башкармалыгынан билдиришти. Ош мамлекеттик университетинде окуган чет элдик студенттердин арасындагы чыр-чатакка байланыштуу кармалган Индиядан келген 20 студент түшүндүрүү иштери жүргүзүлгөндөн кийин коё берилди. Студенттер чыр-чатак өз ара келишпестиктен улам чыкканын айтышты.

Бүгүн түштөн кийин Ош шаарынын Курманжан датка кичирайонунда жайгашкан ОшМУнун эл аралык медициналык факультетинде билим алган 100гө чукул студенттин ортосунда массалык мушташ чыккан. Мушташ жогорку курстун студенттери менен биринчи курска келген студенттердин ортосунда болгону маалымдалууда. Чырга аралашкан студенттер негизинен индиялыктар, арасында пакистандыктар да бар.

Окуяны окуу жайдын жетекчилиги да тастыктады.

ОшМУда Индия, Пакистан, Непал жана башка өлкөлөрдөн келген бир нече миң студент билим алат. Ал эми эл аралык медициналык факультетте 600гө жакын студент бар. (ErN)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG