Ош шаарындагы ишкана, мекеме жана жеке конуштарга берилген интернеттин ылдамдыгы 21-октябрдан бери кескин азайды. Өзгөчө "com" домениндеги сайттарды ачуу дээрлик мүмкүн болбой калды.
"Кыргызтелеком" ишканасынын Оштогу филиалы буга түндүк-түштүк ВОЛС (оптикалык була) телефон жана интернет кабель магистралында үзүлүү болгону себеп экенин “Азаттыкка” айтты. Кабелди жол куруучулар иш учурунда кокустан үзүп салышканы кабарланууда. Оңдоо иштери жүрүп жатат. Бирок анын качан бүтөрү белгисиз.
Ошто интернет-колдонуучулар негизинен "Кыргызтелекомдун" кызматынан пайдаланат. Жеке провайдерлер да ушул компания аркылуу кызмат көрсөтөт. (ErN)
