Бишкектеги №1 тергөө абагынын башчысы Калыбек Калмаматов кызматынан бошотулду. Тийиштүү буйрукка бүгүн, 23-октябрда Жаза аткаруу мамлекеттик кызматынын башчысы Алик Мамыркулов койду. Аталган мекемеден “Азаттыкка” билдиришкендей, Калмаматов ротациялык эрежеге байланыштуу иштен алынды.
Апта башында абак кызматкерлерин өлтүрүп, кылмышкерлердин качып кетүүсүнө жол бергени үчүн №50 абактын башчысы Иманбек Телтаев жана бир катар жетекчилик кызматтагы кишилер жумуштан бошотулган. (SE)